Nasha Daaru aur Wo

Maahol jamaya tha yaaron ne,
Nasha Chadhana tha jo aj.
Jaam sajaya tha kalakaaro ne,
Yaadon Ko uski bhulana tha jo aj.

Ek hath me sulagta sutta to dooje me tha jaam,
Fir bhi kambakht na kar paya koi apna kaam.

Dawa samjha tha jis daaru ko zamaane ne,
Seene me aag laga gayi alag hi paimaane me.

Hothon se lagaya hi tha maine pahla jaam,
Ke kadwi ghoonth le ayi meetha sa paigaam.

Dikhne lagi gahrai un aankhon ki,
Sunai di wo baatein, wo kahani un raaton ki.
Kaara kaajal jinhe sajati, thi wo haseen ankhein,
Tukur Tukur mere netr jinhe kare the taakein.

Roka maine jaise taise doobne se khud ko,
Uthaya chakna socha nahi yad karna hai usko.
Sochte sochte ke na sochu phir uski yaad aayi,
Kaun kahta hai daaru hai har gam ki dawai.

Matar ka daana guzra hi tha abhi gale se hokar,
Lagi pyas, aayi wo maano amrit me honth bhigokar.
Na rahi madira ki pyaas na kisi sutte ki aas,
Ban chuka tha mai uske rasile honthon ka daas.

Nasha chadha anokha pee li thi jo daaru,
Baithe baithe mai ghooma to laga baat bangayi.
Par kambakht yaad aayi firse tu,
Aur ek baar dobara meri ye zameen ruk gayi.

Chadhti daaru le aai barbaadi ka paigam.
Do nashon ke beech shuru hua sangraam.
Ek or thi wo daaru jo chadh agle din utar jaaye,
Doosri or thi wo jisko apne dil-o-jaan saup aaye.

Kaidi ban huye the giraftar jiske pyaar me hum,
Zamaanat na dila paya aj tak koi sutta koi rum.

Cheers!!! 🥃🍺🍻🥂

Ye Reshmi DHAAGE (Collab)

Ye reshmi dhaage hain jhooth se bune huye,
Bandhe inse yun hi khiche chale jaate hain.

Dhaagon ki pakad jab ho itni mazboot,
Tab aksar ye saansein jakad lejaate hain.

Sachh kya hai aur kya hai jhooth,
In dhaagon ka na koi rang na koi roop.

Ye Ishq, ye Jahaan,
Ye raaste, ye maqaam.
Ye lamha, ye baatein,
Ye toote Dil ki saugatein.

Jhoothi buniyaad ki karte hain daastaan baya,
Reshmi dhaage bhi chubh lahu bahate hai yaha.

Hello people !! This piece has been written in Collab with Bhavna.. Hope you like this little collaboration of ours 😄🤗🤗

Cheers!🤘

Pakizah Mohabbat

Guzre huye waqt ki aisi hai taaleem,
Heer ko na Ranjha mila, na Anarkali ko Saleem.
Ishq-e-junoon ki nasihat bane Bajirao aur Mastaani,
Noor-e-Jahan me samaa gaye wo karke manmaani.

Gustaakhi thi lafzon ki aisi kala haseen,
Kabhi tez-talwaar fariyaad to kabhi ibaadat rangeen.
Sisakte palon ki guftgu ke shaamiyaane the azeez,
Sachhe pyaar ki khoj me shahid huye kitne nacheez.

Taameel-e-ishq hai nahi aasaan,
Sabki kismat sajaati nahi muskaan.
Haal-e-dil ki mehar hai jo koi gam raas na aaye,
Mohabbat hai pakizah wo jo chhidak paani aag lagaye.

PS:
Fariyaad- complaints
Ibaadat – prayers
Mehar- kindness
Pakizah – pure
Taameel – compliance
Taaleem – education

Dil Dosti Pyaar (Collab)

Hello guys.. Behold!!! As I Present before you a creation in collaboration with our one and only Nandita

A bit too dramatic right 🙈😛😋 well, one can not expect anything less when Nandita decides to give ashirwad to a poem by adding her verses and taking the creation to the next level.. 😌😍

Well this poem is about Love and Friendship (Monika-Chandler wala relationship 😛🙈). The emotions that a guy and girl hold for each other, when they feel that they are not just friends, and the way they express them has been portrayed in this Hindi poem..

So here it goes:-

Dosti me khoyi ho tum aur khoya hu mai tujhme,
Paaya tujhme ek nayab dost, bas gaya jahan tujhme.
Jaane Anjaane jo dikhne Laga tujhme khuda mera,
Na jaane kaise mai sunne laga wo bhi jo tune na kaha.

Jo mai kabhi na kah payi wo tumne sun liya,
Khamoshi meri dastak, tumne apna maan liya.
Kab se anjaan rahe bhatakti rahi, aasra mil gaya,
Muskurake tumne mera naam ek baar jo dil se liya.

Zikar jab bhi hua karta tera mere doston me,
Ankhein jhuka ibaadat karleta muskurake Mai.
Tumne mere saath rahkar mujhe apna Bana Lia,
Jhilmil sitaron ke gagan me mujhe apna chaand Bana Lia.

Chandni bhi sharmake badalon ke peeche chup jaye,
Aisi ibadat teri ki suraj bhi sajde mein jhuk jaye.
Apnãna toh tujhe tha hi, tera pyaar thukrau to kaise,
Dosti se shuru huí yeh kahani ek nayi safar ki ore jaise.

Manzil ho ab jo bhi saath chalna hai tere,
Tere har safar me hamsafar banu mai aur tu mere,
Chand aur baadal to lukka chhuppi khelte rahenge hi,
Pyaar badhe chaahe jitna, dosti apni nibhate chalenge hi.

We hope that you enjoyed reading this work of ours!😋 Please feel free to share your thoughts on this.. cheers!!😋

Madhosh (Hindi)

Hosh me rah kar bhi madhosh sa hu,
Aj kal najane kyu mai khoya hua sa hu.
Kahi kam na pad jaye unke sath bitaaye pal,
Roz raat dua krta hu ke deedar hojaye unke kal.

Dekh ke, deedar karke,ankho me samake,sbse chhipa ke,
Rakhlu unke chahre ko apne eeshwar ki pratima bnake.
Kya hoga wo khuda bhi itna khubsurat, itna jwalant,
Bhej dia is dharti par tumhe, kahi ho na jaye unhe tumse jalan.

Socha hoga dharti par tum roop apna khojaogi,
Par jab sundarta ho sone se khari to aag bhi kya karpayegi.
Mann mohini, nayan hirani, chaal hansini, awaaz koyali,
Hai ek tej aur ek taazgi, jaisi khilti hui sundar si kali.

Dil se ho jo tum saaf itni, jaise saadgi ho tumhãra gahnã,
Hotho pe jab aaye meethi muskaan to uda de sbke chaynã..
Dekhu jab ãnkho me teri, dikhta hai saara sansaar,
Doob jãta hun us jheel me lejaye jo bhagwan ke dwaar.

Khojata hu mai mohak si us muskaan me,
Lagne lagta hai maano paalia sab sansaar me.
Gore se is mukhde ke jab gaal gulabi hote hai,
Dhadkte dhadkte dil bhi khud band hone lagte hai.

Fairãti ho jab tum apne reshmi zulfo me ungliyan,
Uff marjawan krte krte bharte hun mai siskiyaan.
Haseen is mukhde se jaye na kabhi ye muskaan,
Dua h meri dil se ki bharti raho tum sada udaan. 💕💕

There is a place..

You see..

There is a place..
Where your smell lingers,
Where your smile lights up the darkest corners,
Where your voice is the sweetest song,
Where your words are the medicine so strong,
Where your eyes are the heavenly treasure,
Where your one sight is all that matter.

So u see..
There is a place in me
Where a part of you lives forever.